O le a iai nisi tagata i totonu o le potu fa’amasino. O le potu fa’amasino ua vaevaeina i nofoaga mo loia, tagata lautele, ‘aufaigaluega a le fa’amasinoga, ma isi tagata auai i le fa’amasinoga. O loo fa’aali atu i le ata lenei le vaevaeina o nofoaga i le potu fa’amasino:

O le tele lava o taimi, e tatala Fale Fa’amasino i tagata lautele. O lona uiga, so’o se tagata lava e mafai ona ulufale i le Fa’amasinoga ae o fofogaina se mata’upu. I nisi o taimi e tapunia le Fa’amasinoga, e na o tagata e auai i le mata’upu o lo’o fofogaina e fa’atagaina ona iai. E mafua lea ona o le itu’aiga mata’upu o lo’o fa’amasinoina. O se mana’oga fa’aletulafono. A fa’apea o tapunia le Fa’amasinoga, e lē mafai ona e ulufale i le potu fa’amasino se’ia sauni le Fa’amasinoga e vala’au lau mata’upu.