குயின்ஸ்லாந்தில் உள்ள நீதிமன்ற அமைப்பின் முதல் நிலை நீதிவான் நீதிமன்றம் ஆகும். மாநிலத்தில் சுமார் 130 வெவ்வேறு இடங்களில் நீதிவான்  நீதிமன்றங்கள் உள்ளன. பெரும்பாலான குற்றவியல் மற்றும் உரிமையியல் வழக்குகள் ஏதோ ஒரு வகையில் இந்த நீதிமன்றத்தில் தொடங்குகின்றன.

வழக்கின் வகையைப் பொறுத்து, இந்த வழக்குகளை பூர்வாங்க வழியில் அல்லது இறுதி வழியில் முடிவு செய்யும் நீதித்துறை அதிகாரிகளான மாஜிஸ்திரேட்டுகளால் வழக்குகள் விசாரிக்கப்படுகின்றன. இந்த நீதிமன்றத்தில் நடுவர் மன்றம் இல்லை.

நீங்கள் நீதிமன்றத்திற்குச் செல்லத் தேவையில்லை, ஆனால் பதிவேட்டு அலுவலகத்தில் ஆவணங்களைத் தாக்கல் செய்ய வேண்டும் என்றால், அந்த ஆவணங்களைத் தாக்கல் செய்ய பதிவேட்டு அலுவலகத்தின் அறிகுறிகளைப் பின்பற்றவும். நீதிமன்ற வளாகத்தின் பிரதான நுழைவாயிலுக்கு அருகில் பதிவேட்டு அலுவலகம் உள்ளது.

பதிவேட்டு அலுவலகம் என்பது நீங்கள் ஆவணங்களில் கையொப்பமிடக்கூடிய இடமாகும் (உதாரணமாக பிணை ஆவணங்கள்) மற்றும் நீதிமன்றத்தால் செய்யப்பட்ட உத்தரவுகளின் நகல்களை எடுக்கலாம். பதிவேட்டு அலுவலகத்திலிருந்து  நீங்கள் எந்த வகையான ஆவணங்களைப் பெறலாம் என்பதற்கான விதிகள் உள்ளன. பதிவேட்டு அலுவலகச்  செயல்முறைகள் உங்களுக்கு புரியவில்லை என்றால், பதிவேட்டு அலுவலகப் பணியாளர்கள் உங்களுக்கு உதவ முடியும்